მულტიპროფილური კლინიკა „ენმედიცის“  ბათუმის ფილიალი მრავალი წელია წარმატებით ოპერირებს ბაზარზე. „ენმედიცისთვის“ დამახასითებელია უმაღლესი ხარისხის სამედიცინო მომსახურება, ულტრათანამედროვე აპარატურა და პროფესიონალი ექიმების გუნდი, ეს ის არასრული ჩამონათვალია, რითაც აღნიშნული ფილიალი რეგიონში გამოირჩევა.

როგორც ჟურნალ OK-ისთან საუბარში ექიმი ენდოკრინოლოგი, კლინიკა „ენმედიცის“ ბათუმის ფილიალის ხარისხის კონტროლის მენეჯერი, ლარისა დავითაძე აღნიშნავს, ბათუმის ფილიალის ერთ-ერთი წამყვანი მიმართულება ენდოკრინოლოგიურია. ის მოიცავს კონსულტაციებისა და მკურნალობის ფართო სპექტრს – უახლესი ტექნოლოგიების გამოყენებასა და სხვადასხვა პროფილის ექიმებთან ერთად, საერთაშორისო გაიდლაინებით მუშაობას.

თქვენი აზრით, რა გამოარჩევს „ენმედიცის“ ბათუმის ფილიალს რეგიონში?

ჩვენი კლინიკის უპირატესობების ჩამონათვალი ძალიან დიდია. კლასიკური მედიცინის საუკეთესო ტრადიციები, მომსახურების მაღალი სანდოობა, პროფესიონალიზმი, მრავალწლიანი გამოცდილება, მტკიცებულებებზე დაფუძნებული თანამედროვე მიდგომების გამოყენება, კვლევის უახლესი მეთოდები, ულტრათანამედროვე „სიმენსის“ აპარატურა, გამართული მენეჯმენტი – ეს ყველაფერი აძლევს საშუალებას ჩვენს კლინიკას, იყოს გამორჩეული არა მარტო ჩვენს რეგიონში, არამედ დაიკავოს ლიდერის პოზიცია საქართველოშიც.

აღსანიშნავია, რომ ჩვენ ორიენტირებულნი ვართ არა მარტო შედეგების სიზუსტეზე, არამედ პაციენტების უსაფრთხო მომსახურებასა და მედპერსონალის დაცვაზე.

რა მიმართულებებია წამყვანი აღნიშნულ ფილიალში?

ჩვენი ცენტრის ამბულატორიული მომსახურება მოიცავს შემდეგ მიმართულებებს: ენდოკრინოლოგია, ოტორინოლარინგოლოგია, ოფთალმოლოგია – კლინიკის ოფთალმოლოგიური სამსახური ამბულატორიული მომსახურების სრულ სპექტრს გთავაზობთ. იგი აღჭურვილია მსოფლიოს წამყვანი კომპანიების მიერ წარმოებული უახლესი აპარატურით (Siemens, Tomey, Gauder, Quantel Medical), ასევე, გინეკოლოგია, თერაპია, კარდიოლოგია, ნევროლოგია, ბავშვთა ნევროლოგია, დერმატოლოგია, საოჯახო მედიცინა, პედიატრია, რეაბილიტაცია, რენტგენოლოგია, ექოსკოპია – ყველა სისტემის კვლევა; საჭიროების შემთხვევაში სხვადასხვა სადიაგნოსტიკო და სამკურნალო ღონისძიებები ექოსკოპიის კონტროლით.

ლაბორატორია (ჩვენი ლაბორატორიული სამსახური გთავაზობთ 1000-მდე სახეობის გამოკვლევას).

როგორ ხდება ფარისებრი ჯირკვლის და დიაბეტის მკურნალობა?

კლინიკა „ენმედიცი“ წარმოადგენს ერთ-ერთ მძლავრ ენდოკრინოლოგიურ ბაზას საქართველოში. ენდოკრინოლოგიური დაავადების მკურნალობა ხორციელდება საერთაშორისო გაიდლაინებსა და პროტოკოლებზე დაყრდნობით.

ენდოკრინოლოგიური დარღვევების დიაგნოსტიკა და მათი ნორმალიზაციისთვის მიმდინარე მკურნალობის ეფექტურობის შეფასება ხორციელდება უშუალოდ სამედიცინო გასინჯვის, ლაბორატორიული კვლევების, ულტრათანამედროვე ინსტრუმენტული კვლევის მეთოდების გამოყენებით. ფარისებრი ჯირკვლის კვანძოვანი დაავადებების მკურნალობის ტაქტიკის განსაზღვრისთვის მნიშვნელოვანია წვრილნემსიანი ასპირაციული ბიოფსია, რაც ჩვენს კლინიკაში ხორციელდება იაპონური მეთოდით, რომელიც ხასიათდება მაღალი სპეციფიკურობით.

როგორ ხდება ფარისებრი ჯირკვლის ავთვისებიანი დაავადებების დიაგნოსტირება?

ფარისებრი ჯირკვლის კვანძოვანი წარმონაქმნების შემთხვევაში დიაგნოსტიკის ოქროს სტანდარტს წარმოადგენს წვრილნემსიანი ასპირაციული ბიოფსია, რომელიც საშუალებას იძლევა, ადრეულ ეტაპზევე მოხდეს როგორც ავთვისებიანი წარმონაქმნების, ასევე პრეკანცერული მდგომარეობების გამოვლენა და დაიგეგმოს მკურნალობის შემდგომი ტაქტიკა.

აღნიშნული კვლევა კლინიკა „ენმედიცში“ ხორციელდება ინოვაციური – იაპონური მეთოდით, რომელსაც უკვე რამდენიმე წელია ეფექტურად ვიყენებთ. პაციენტებს აქვთ შესაძლებლობა, სულ რაღაც ორ წუთში, სრულიად უმტკივნეულოდ, სპეციალური მომზადებისა და ანესთეზიის გარეშე, ჩაიტარონ აღნიშნული პროცედურა.

როგორია კლინიკის სამომავლო გეგმები?

ჩვენი კლინიკის პრიორიტეტია, საქართველოს თითოეული მოქალაქისთვის ხელმისაწვდომი, უფრო მარტივი და მოსახერხებელი იყოს კლინიკის სერვისებით სარგებლობა. აქედან გამომდინარე, გვაქვს სპეციალური პროგრამა – აქციის სახით, რომელიც საშუალებას აძლევს რეგიონის მოსახლეობას შეღავათიან ფასად ისარგებლოს კლინიკის სერვისით. სამომავლოდ ვგეგმავთ აღნიშნული პროგრამის უფრო მეტად გაფართოებას, ჩვენი სურვილია, ჩვენი რეგიონის მოსახლეობისთვისაც ხელმისაწვდომი გავხადოთ ყველა ის სერვისი, რაც არის „ენმედიცი“ – თბილისში. იგეგმება სხვადასხვა საქველმოქმედო აქცია არა მხოლოდ რეგიონის მასშტაბით.