HR.3.4. ფოლიკულომასტიმულირებელი ჰორმონი (FSH)

SIEMENS–ის ფირმის იმუნოლოგიური სრული ავტომატური ანალიზატორი Advia Centaur XP 

ფოლიკულომასტიმულირებელი ჰორმონი (FSH) პეპტიდური შენების ჰორმონია, რომელიც გამომუშავდება ჰიპოფიზის წინა წილის მიერ. ქალებში ფოლიკულომასტიმულირებელი ჰორმონი ასტიმულირებს ესტრადიოლის  სინთეზს გრანულოზური უჯრედების მიერ, აკონტროლებს ფოლიკულების განვითარებასა და მომწიფებას ოვულაციამდე. მამაკაცებში მოქმედებს სათესლე სადინრების განვითარებასა და ფუნქციონირებაზე, სერტოლის  უჯრედებში - სპერმატოგენეზზე.

განსაზღვრის  მეთოდი: იმუნოქემილუმინესცენტური

ანალიზი  სრულდება:  Advia  Centaur-ის  ანალიზატორზე.

რეფერენსული  მნიშვნელობა:  ქალები: 13 - 50 წლამდე   ფოლიკულური  ფაზის  შუაში 2.5-10.2  mIU/mL
                                                                   13 - 50 წლამდე   ოვულატორული  პიკი              3.4-33.4  mIU/mL
                                                                   13 - 50 წლამდე   ლუთეინური  ფაზის  შუაში     1.5-9.1  mIU/mL
                                                                   51 - 99 წლამდე   პოსტმენოპაუზა                         23.0-116.3  mIU/mL
                                                                    ორსულები  < 0.3  mIU/mL
                                                     კაცები:  13 - 99 წლამდე  1.4 - 18.1  mIU/mL

                                                     ბავშვები: 0 - 12 წლამდე  <5.0 mIU/mL

მასალა  კვლევისათვის: სისხლის  შრატი - 1მლ

შენახვის  პირობები: < 24 სთ ,15-25ºC  ტემპერატურაზე
                                        < 7 დღე,  2-8  ºC  ტემპერატურაზე
                                        < 12 თვე,  -20ºC  ტემპერატურაზე

მასალის  აღება  ხდება  ვაკუუმ-სისტემაში  ანტიკოაგულანტის  გარეშე  ან  შედედების  აქტივატორის  დამატებით.  მასალა ლაბორატორიაში  უნდა  მოხვდეს  აღებიდან 2 სთ-ის  განმავლობაში,  2-8ºC  ტემპერატურული  რეჟიმის  დაცვით.

პაციენტის  მომზადება: მასალის  აღება  ხდება  დღის  პირველ  ნახევარში,  მშვიდ  მდგომარეობაში.  გამოკვლევამდე  ერთი  დღით  ადრე  გამოირიცხოს  ცხიმიანი  საკვები,  ფიზ.დატვირთვა,  თამბაქო. ქალებში  ჰორმონის  ბაზალური  დონე  ისაზღვრება  მენსტრუალური  ციკლი  5-7  დღეს.  მენსტრუალური  ციკლის  დარღვევის  დიაგნოსტირებისას  სასურველია  ჰორმონის  რამოდენიმეჯერ  განსაზღვრა  ციკლის  სხვადასხვა  ფაზებში.

ინტერფერენცია:  ↑ ციმეტიდინი, კლომიფენი,  დიგიტალისი,  ლევოდოფა.  ↓ კორტიკოსტეროიდები,  ესტროგენები,  მეგესტროლი,  გონადოლიბერინის  ანალოგები,  ორალური კონტრაცეპტივები, ფენოთიაზინი.

ინტერპრეტაცია:  ↑  მენოპაუზა,  გონადების  პირველადი  ჰიპოფუნქცია,  სასქესო  ჯირკვლების  განუვითარებლობა,  კლაინფელტერის  სინდრომი,  კასტრაცია,  ალკოჰოლიზმი,  სემინომა,  ორხიტი, ჰიპოფიზის ჰიპერფუნქციის  ადრეული ფაზა, ჰიპოფიზის გონადოტროპინ მასეკრეტირებელი სიმსივნეები. ↓ ჰიპოფიზის წინა წილის ჰიპოფუნქცია, ჰიპოთალამური დარღვევები, ორსულობა, ნევროგენული ანორექსია, ჰემოქრომატოზი,  ნამგლისებრუჯრედოვანი  ანემია,  ჰიპერპროლაქტინემია.